По успешната панел-дискусија „Одговорно сопствеништво – одговорноста почнува со мене“, на која присуствуваа 54 експерти од различни професионални области – професори, истражувачи, доктори на науки, доктори по ветеринарна и хумана медицина, одгледувачи на кучиња, мачки и папагали, кинолози, фелинолози, стилисти за миленици и дресери – ја изразуваме нашата искрена благодарност за нивното активно учество и придонес.
Дискусијата во организација на Невладините Здруженија: Асоцијација на Стилисти за Миленици и Здружението за Промоција на Природните Науки – Откритие, го поттикна дијалогот со чинителите на општествените политики. Темата беа современите предизвици во грижата и благосостојбата на милениците, како и одговорното сопствеништво на животните. Посебен фокус беше ставен на новиот Европски закон за благосостојба на милениците и неговото значење за нашата земја Македонија.
Веруваме дека ова претставува почеток на континуиран процес на соработка и размена на знаење меѓу стручното општество, институциите и граѓаните. Со нетрпение ги очекуваме следните средби и иницијативи што ќе продолжат да го унапредуваат овој важен дијалог.
Текстот го подготвија Илија Петковски и Искра Бекриќ
Фотографии преземени од архивата на ОТКРИТИЕ
