Галеријата Откритие стана дел од престижната Балканска мрежа на музеии (BMN), што претставува значаен чекор во поттикнувањето на нашата културна и музејска сцена. Ова членство ќе овозможи размена на експертиза, учество во регионални проекти и зајакнување на соработката со други музејски институции низ Балканот.
Балканската мрежа на музеии нуди бројни бенефити за своите членови, како што се промоција на музејот, можности за учество на конференции и семинари, размена на изложби, како и професионална поддршка во процесот на пишување и имплементирање проекти. Со ова членство, Галеријата Откритие ќе има пристап до широка база на контакти, ресурси и можности за развој и одржливост на своите културни активности.
Ние сме горди што сме дел од оваа значајна регионална иницијатива која ќе ни овозможи да го унапредиме нашиот капацитет за организирање изложби, образовни програми и културни настани, како и да ја зајакнеме видливоста на нашата работа на меѓународно ниво. Очекуваме активно учество во заеднички проекти и размена на искуства со останатите членови на Мрежата.
Во иднина, Галеријата Откритие ќе продолжи да биде место каде што културата и уметноста ќе се промовираат со стручност и посветеност, а членството во Балканската мрежа на музеии ја потврдува нашата посветеност кон развој и соработка на регионално ниво.
Ве покануваме да го следите нашиот сајт за повеќе информации и новости за активностите што ќе произлезат од ова ново партнерство.
Текстот го подготвија: Илија Петковски и Искра Бекриќ
Фотографии: креирани со вештачка интелегенција
